Weather Forecast । हवामान खात्याच्या (IMD) ताज्या बुलेटिननुसार, काश्मीरमध्ये थंडीची लाट सुरू झाली आहे. आज देशाच्या वरच्या भागात पाऊस आणि हलक्या हिमवृष्टीची शक्यता आहे तर खालच्या भागातही पाऊस सुरूच राहणार आहे. अशा परिस्थितीतकडाक्याच्या थंडीमुळे नागरिकांची अवस्था दयनीय होऊ शकते. त्याचबरोबर इतर डोंगराळ राज्यांमध्येही बर्फवृष्टीचा अंदाज वर्तवण्यात आला आहे. अशाप्रकारे आज अनेक राज्यांमध्ये अतिवृष्टीचा इशारा देण्यात आला आहे.
बुधवारी दिल्लीत कमाल तापमान २५.७ अंश सेल्सिअस नोंदले गेले, जे सामान्यपेक्षा एक अंश कमी आहे, तर AQI ‘अत्यंत खराब’ श्रेणीत नोंदवले गेले. सायंकाळी 5.30 वाजता शहरातील सापेक्ष आर्द्रतेचे प्रमाण 65 टक्के नोंदवण्यात आल्याचे हवामान खात्याने सांगितले. दिवसभरात प्रामुख्याने आकाश निरभ्र आणि धुके राहण्याचा अंदाज हवामान खात्याच्या कार्यालयाने वर्तवला होता. गुरुवारी दिल्लीचे तापमान कमाल २५ अंश आणि किमान १० अंश सेल्सिअस राहण्याचा अंदाज वर्तवण्यात आला आहे.
महाराष्ट्रात या ठिकाणी होणार पाऊस
हवामान विभागाने दिलेल्या ताज्या माहितीनुसार, आजपासून (ता.२४) कोकणातील रायगड, रत्नागिरी, सिंधुदुर्ग, मध्य महाराष्ट्रातील नगर, पुणे, सातारा, कोल्हापूर, सांगली, सोलापूर आणि मराठवाड्यातील धाराशिव, लातूर जिल्ह्यात जोरदार वारे, विजांसह जोरदार पाऊस पडण्याची शक्यता आहे.
